طرحت صفحة "بولتكل آلش" سؤالا على كل أعضائها بالصياغة الآتية " أكتب فيما لايقل عن كومنت .. ايه اللى تغير من 25يناير
لحد دلوقتى؟"، وتركت مساحة للإجابة عليه وفقا لما يراه كل واحد من وجهة نظره، فجاءت الإجابات مختلفة فمنهم من اجاب وفقا لفكره ومنهم من رأى أن السخرية على الأوضاع هى الإجابة المثلى على هذا السؤال، وهذه بعض الإجابات:
- أرقام التليفونات
- MBC بقيت HD
- مجلس الشعب اتغير كله
- انتخب الشعب المصرى لأول مرة فى تاريخه الجمهورى .. مجلس شعب منتخب غير مزور
- باسم يوسف بطل يبقي دكتور و عمل برنامج
- المناهج زودوها و بقيت أصعب
- اللي اتغير مولتو بقي بالجبنة
- التوقيت الصيفي
- اتحلق شعر الناشط علاء عبد الفتاح
- رجعنا مانويل جوزيه يدرب الأهلي
- علم مصر بقي في كل حتة علي الرصيف
- ظهور نوع جديد من الآلش وهو الآلش السياسي
- مفيش حاجة اتغيرت، لان الزمالك مش هياخد الدوري برضو
- القمع اتغير من مادي إلي فكري
- ظهرت اللاصقة السحرية
- أنا كنت كنبة يوم 24 يناير 2011 وبقيت ثورجي بعدها
- تونس بقي عندها رئيس!
- الإخوان المسلمين كانوا بيتحبسوا دلوقتي بقوا شباب الثورة
- كله بقي يتصور في ميدان التحرير ويحطها علي الفيسبوك
- كان فيه طرفين الإخوان و الوطني دلوقتي بقي فيه طرف ثالث
- حسني مبارك قام من الكرسي علي السرير
- محطة مبارك بقيت الشهداء
إذا كنت تري أن بعد الثورة أمورا عدة اتغيرت في مصر، سواء كانت إيجابية أو سلبية اكتب رأيك الشخصي فيما تراه صحيحا.
